淘寶集運公司邊間好_睇睇網民嘅心水推介_三大最獲網民好評嘅集運公司

淘寶集運

上淘寶買野都唔係新鮮事，正所謂無得淘寶，慘過無得睇電視，除咗買衫之外，仲會淘寶iphone配件、傢俬、魚缸、床、婚紗、甚至零食。加上，淘寶官方每年都搞雙10、雙11(光棍節)、雙12限時搶購優惠，真係好難忍得住唔上淘寶買過夠。近年，唔少淘寶集運私人公司加入市場，將貨物收集、合併、重新包裝，集運送到香港再分發到大家嘅手上。對於部分人黎講，用一間官方定私人淘寶集運公司，都非常頭痛。討論區、Facebook唔少貼文、留言都會討論淘寶集運邊間好。

綜合黎講，官方淘寶集運公司有一定優勢，比較多人用嘅係菜鳥淘寶官方集運(前身4PX 遞四方)，原因係平，加上十分方便，唔洗煩人嘅手續已經輕鬆完成淘寶集運流程。另一間官方淘寶集運公司係龍頭大哥順豐集運，非常方便嘅淘寶集運流程，加上自取點、自提櫃多不勝數，部分更加提供24小時取件服務，憑住出色嘅服務質素，令到唔少人唔嫌貴，都會繼續去用。但係，最近盛傳順豐即將被拉落馬當為私人公司，一路用開官方集運嘅朋友，唔想煩手續只有菜鳥淘寶官方集運選擇。

如果你有用過佢地嘅集運服務，都知道有貨品限制問題(例如：電子產品、液體、醫療設備、食品)，好多貨件都運唔到黎香港，加上客服溝通上、運送時間上問題，唔少人有不快經驗避之則吉，轉投其他私人淘寶集運公司。當然，私人淘寶集運公司手續麻煩少少，所以我地係底部準備淘寶集運教學教大家點用私人淘寶集運服務同流程，務求令大家一定識用。

相比官方集運，私人集運公司可以解決上述嘅問題，例如，較平嘅運費，只計算實重，今日發貨明日到貨嘅運送時間，接受較大型尺寸的貨件 (特別係淘實集運傢俬)，運送電池/液體等敏感貨件，仲有代客退貨服務，手機APP方便落單同管理貨件，購買貨品時更加得心應手，不用怕貨品運不到香港，買得更開心。

用邊間淘寶集運公司平?

市面上咁多間私人集運公司，聽得最多人係討論區或者Facebook group 問嘅問題係：用邊間集運公司好?

小編發現，有幾個大類別係一般人最常關注嘅，例如：運費價錢要夠平、客戶服務要夠好(唔可以唔見件，細細件貨唔可以用好大個盒)、屋企附近要有好就腳嘅自提點、送上門嘅要無附加費 / 好平附加費、要快(今日落單發貨明日到貨)、要計實重。

簡單黎講，揀集運公司一個好重要嘅條件就係要平，就算最叻嘅淘寶達人都唔可以係十秒內講到邊間集運公司收費最平，Beefreight 比運費平台嘅「全港集運計算機」，唔使十秒就可以幫你計晒全港主要集運公司嘅運費，用自提最低排起，送上門有無附加費，仲好簡單幫你睇晒你屋企附近有無就腳嘅自提點。由於我哋唔收集運公司回佣，幫你更客觀不偏不倚、最短時間揀一間岩你嘅集運公司。有興趣嘅朋友，只要試用Beefreight 提供嘅計算機，用最客觀嘅數據將比較結果精挑細算揀出來，幫下大家最短時間，揀一間最岩嘅集運公司。