小編先唔講咁多，大家睇左呢幾個傢俱品牌嘅產品相先。
以上咁多件傢俬都係出自一班新晉設計師之手，唔單止款式靚，更主要選用優質天然嘅實木，而佢哋嘅共通點就係 「Made in China」。
提起大陸淘寶傢具，部分網友嘅第一印象可能係「平價」 甚至係 「仿冒」，但隨著國內部份一線城市嘅年青人、教育水平同生活品味不斷提升，淘寶天貓近年亦多咗唔少既有活力又有創意嘅傢俬店。以下幾間係近年喺國內發展得最快嘅國內原創家具品牌，先旨聲明佢哋賣嘅傢俬價錢唔算極平，但勝在設計獨特，用料亦唔係某北歐品牌嘅嗰種蔗渣板。
各有特色，四間淘寶傢俬店介紹
木墨 MUMO
鍾情實木家具同傳統工藝嘅朋友一定唔可以錯過呢個品牌，「木墨」出品嘅家具走平實樸素路線，因為冇喺傢俬表面做多餘嘅後期染色處理，反而更加能夠帶出木材本身嘅紋路，而佢哋嘅傢俬主要採用黑胡桃木，配合工匠級暗榫嘅精準結構，種種因素令佢哋嘅出品歷久不衰非常耐用。
網址 : https://bit.ly/3lHqIfM
造作 zaozuo
與其話「造作」係一個傢俬品牌，倒不如話佢係一個為全球設計師推出作品嘅綜合平台。
2014 年成立開始，「造作」不斷招攬世界各地得獎嘅家具設計師加盟，將佢哋嘅設計帶去中國嘅工廠生產製造，針對中國急速增長嘅中產市場，製作價錢合理且非常多元化嘅傢俬。
發展短短三年，已經擁有超過 30 位設計師，分別來自瑞典，意大利，西班牙，日本等國家，因此，造作嘅強項就係多元化嘅風格，同埋更新週期極快嘅設計師系列。如果單一嘅設計打動唔到你，不妨可以去佢哋嘅天貓店，睇下有冇啱心水嘅產品。
網址 : https://bit.ly/31OC3Ty
吱音 ziinlife
2010年，兩位創辦人分別由米蘭同日本學成歸來，佢哋決定一齊創立家居品牌。由於佢哋希望自己嘅創作可以吱吱地「少少發聲」，而且俾懂得欣賞佢哋傢俬嘅「知音」留意得到，所以就將品牌起名為「吱音」。吱音家具採用嘅木材大多係水曲柳實木，線條流暢纖細，每一件家具都有生動嘅設計細節，加上跳躍有趣嘅用色、而且較高性價比，好適合具生活品味嘅年輕家庭。
(補充 : 吱音天貓店唔支持派送到國內以外嘅地區，亦表明轉運會影響售後。)
網址 : https://bit.ly/3lJzwSA
有所 Yuso
如果你同小編一樣大唔透，鍾意啲得得意意嘅嘢，又或者屋企有個精靈活潑嘅小朋友，以下呢個傢俬品牌就非常適合你。「有所」 由三名畢業於清華大學美術學院嘅年青設計師創立，佢地希望設計出能令人感到溫暖且有歸屬感嘅家具。其中，佢哋推出嘅「動物坐墩系列」取材自動物嘅抽象造型，配合獨特簡約嘅線條，成為近一兩年極受網民歡迎嘅產品。想為屋企增添一啲點綴，溫馨又能增添玩味嘅傢俬就最適合不過。
網址 : https://bit.ly/3lGonSo
以下仲有幾間一樣好有質素嘅傢俬店，有興趣可以逐間逐間入去慢慢睇。
木智工坊：http://smartwood.taobao.com
春沐家：http://chunmu-jia.taobao.com
靜研：https://xianjyjj.jiyoujia.com
三角世界：https://triangleworld.jiyoujia.com
凡屋 Fun House ：http://thefunhouse.taobao.com
用集運寄大件傢俬，價錢平好多，28KG 雙人梳化送上門，最平唔使 200 蚊
相信有喺香港行過下傢俬舖嘅朋友好快就會發現，喺淘寶買傢俬唔單止款式選擇多，而且以同級嘅實木傢俬嚟講，價錢更加係平香港一大截，所以淘寶買傢俬近年慢慢成為好多新居入伙或者開舖創業朋友嘅不二之選。
喺淘寶訂傢俬價錢雖然係平，但最頭痛嘅其中一個環節可能就係運輸，因為仲有不少商戶只係會發貨到國內，又或者收你極貴嘅運費去安排寄黎香港。 有淘寶經驗嘅朋友，當然會諗到選用集運，即係先將件貨寄去集運商提供嘅國內地址，然後再轉運落嚟香港。
講到集運，大家一定會諗起同淘寶官方合作嘅 「順豐速運」，但其實順豐有限重嘅規定、20kg 以上 ( 或超過 70*40*32cm ) 唔可以自提，30kg 以上 ( 或單邊長度超過150CM，長+寬+高超過300CM ) 亦唔派上門。因此，有集運商就針對淘寶集運傢俬、集運電器、集運大件貨件呢個市場，提供超抵嘅運費優惠，小編搵到最平一間，以集運一張 28kg 嘅兩座位梳化為例，竟然唔使 200 蚊，仲可以送埋上屋企。
接住落嚟就等小編教大家、點樣搵出呢啲集運商同估算運費啦。
1. 先問一下店家，貨品大約嘅體積同重量。
小編就以呢張梳化為例，店家客服提供嘅產品包裝尺寸為「163 x 77 x 19 cm」而重量為「28kg」。
2. 知道答案後，去 beefreight.com 首頁 -【全港集運計算機】，第一步由預設嘅「實重」標籤、轉去 「體積重」 。
3. 「寄件地區」選 中國 ，而「取貨方式」有三大類，小編建議除左 「 集運中心自提 (基本收費)」 選擇你就近嘅地點外，最好都剔埋 「派送」 類別裏面嘅 「工商派送」 及 「非工商派送」，始終送咁大件貨，可以送到上門係會方便好多。 ( 注 : 「非工商派送」 一般係指住宅 )
4. 簡單揀選「貨品類別」、填寫「品牌名稱」。
5. 「貨品重量」可以選 kg 或者 lb，「貨品體積」就要用 cm。
6. 填好晒之後，按「集運比較」。
7. 預設排序係以 「自提運費」 由平到貴，如果想搵出派送上門最平嘅集運公司，可以按多一下 「 派送運費 ↑ ↓ 」。
8. 當然，價錢只係其中一個因素，小編鼓勵大家選用集運公司前多聽聽網友意見、了解佢地嘅整體服務、所以你可以再按「了解詳情」進入集運公司嘅資料頁面、查看網友意見及搵出集運公司嘅聯絡方法。
以上整個計算集運公司收費嘅程序 、加埋唔使十秒，但可能就足足幫你慳番幾百蚊嘅運費，所以下次要網購或者淘寶傢俬，要知集運運費，記得去「beefreight.com 比運費」計一計先啦。
如果你鍾意以上呢篇文章，歡迎同朋友 share。
